ಶ್ರದ್ಧಾಂಜಲಿ - ಎಸ್. ಪಿ. ಬಾಲಸುಬ್ರಮಣ್ಯಂ

 ಶುಕ್ರವಾರ, ಸಪ್ಟಂಬರ 25, 2020 

ಸ್ವರ ಮಾಂತ್ರಿಕ, ಖ್ಯಾತ ಗಾಯಕ, ಗಾನ ಗಂದರ್ವ, ಪದ್ಮ ಭೂಷಣ ಶ್ರೀ ಎಸ್.ಪಿ. ಬಾಲಸುಬ್ರಮಣ್ಯಂ ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ.

ನಮ್ಮ ಎಸ್‍ಪಿಬಿ ಎಂದರೆ ಮಾತುಗಳನ್ನು ಹುಡುಕುವುದು ಕಷ್ಟಕರ. ಎಸ್‍ಪಿಬಿ ಎಂದರೆ ಅದೇ ಒಂದು ಭಾವ. ಎಸ್‍ಪಿಬಿ ಅಂದರೆ ಸಂಗೀತ. ಎಸ್‍ಪಿಬಿ ಅಂದರೆ ಅದೊಂದು ಮೇರುಶಿಖರ. ಅದೊಂದು ಸೌಜನ್ಯ, ಸ್ನೇಹ, ಸಂಗೀತ, ಸಂಸ್ಕೃತಿ, ಸರ್ವ ಸದ್ಗುಣಗಳ ಮಹತ್ಸಂಗಮ. ಅವರಿದ್ದ ಕಾಲದಲ್ಲಿರುವ ನಾವೇ ಧನ್ಯರು. ಇಂದು ಅವರಿಲ್ಲ ಅಂದರೆ ಮನಸ್ಸಿಗೆ ಕಷ್ಟವಾಗುತ್ತಿದೆ. ಅವರು ಹಲವು ದಿನಗಳಿಂದ ಕೃತಕ ಉಸಿರಾಟದಲ್ಲಿದ್ದರು ಎಂದಾಗ ಈ ಜೀವಕ್ಕೆ ಬಂಧನದಿಂದ ಬಿಡುಗಡೆ ಬೇಕಿತ್ತಲ್ಲವೆ ಎನಿಸುತ್ತಿತ್ತು. ಪಂಜರದಿಂದ ಹಕ್ಕಿ ಇಂದು ಸ್ವತಂತ್ರವಾಯಿತು. ನಮ್ಮೊಡನಿದ್ದ ಏನನ್ನೋ ಕೂಡಾ ಆ ಹಕ್ಕಿ ತೆಗೆದುಕೊಂಡು ಹೋಯಿತು ಎಂಬುದು ಸುಳ್ಳಲ್ಲ.

ಎಸ್.ಪಿ. ಬಿ. ಯವರು ಹಾಡಿದ ಕೊನೆಯ ಹಾಡು: (ಜಯಂತ್ ಕಾಯ್ಕಿಣಿ ವಿರಚಿತ)

ಭಕ್ತಿ ಗೀತೆ, ಭಾವ ಗೀತೆ, ಚಿತ್ರ ಗೀತೆ, ಶಾಸ್ತ್ರಿಯ ಗಾಯನದ ಯಾವುದೇ ಪ್ರಾಕಾರದ ಗೀತೆ ಹಾಡಿದರೂ ಭಾವ ತುಂಬಿ ಹಾಡಬಲ್ಲ, ಕೇಳುಗರನ್ನು ಮಂತ್ರ ಮುಗ್ಧರಾಗಿ ಮಾಡುತಿದ್ದ  ಎಸ್.ಪಿ.ಬಿ ಇನ್ನಿಲ್ಲ ಎನ್ನುವುದು ಬಹಳ ನೋವಿನ ಸಂಗತಿ. ಸುಮಾರು 16 ಭಾಷೆಗಳಲ್ಲಿ ಸಹಸ್ರಾರು ಹಾಡುಗಳನ್ನು ಹಾಡಿದ ಮಾಂತ್ರಿಕನಿಗೆ ಭಾವಪೂರ್ಣ ಶದ್ಧಾಂಜಲಿ.

ಓಂ ಶಾಂತಿ, ಓಂ ಸದ್ಗತಿ.....

ಬರೆದಿರುವುದು 26/9/2020