ಕನ್ನಡ ರಾಜ್ಯೋತ್ಸವ - ನವಂಬರ 1, 2020

 ನವಂಬರ 1, 2020

ಕಾಫಿ ಬೋರ್ಡ್ ಬಡಾವಣೆ, ಕೆಂಪಾಪುರ, ಬೆಂಗಳೂರು.

ಜೈ ಭಾರತ ಜನನಿಯ ತನುಜಾತೆ,

ಜಯ ಹೇ ಕರ್ನಾಟಕ ಮಾತೇ 

ಮೇಲಿನ ಕರ್ನಾಟಕದ ನಾಡಗೀತೆ ವರ್ಷದ ನವಂಬರ ತಿಂಗಳಲ್ಲಿ ಎಲ್ಲ ಕಡೆ ಕೇಳಿ ಬರುವ ಸಾಲುಗಳು.

ನವಂಬರ 1, ಕರ್ನಾಟಕ ರಾಜ್ಯದ ಹುಟ್ಟುಹಬ್ಬ, ನಾಡಿನಾದ್ಯಂತ, ದೇಶದಾದ್ಯಂತ, ವಿದೇಶಗಳಲ್ಲೂ ಕನ್ನಡಿಗರು  ಸಂಭ್ರಮಿಸುವ  ದಿನ.  

ಕರ್ನಾಟಕ ಸರಕಾರವು, ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಕನ್ನಡಿಗರಿಗೆ "ರಾಜ್ಯೋತ್ಸವ ಪ್ರಶಸ್ತಿ" ನೀಡಿ ಗೌರವಿಸುವ ದಿನ. ಈ ವರ್ಷದ ಪ್ರಶಸ್ತಿಯನ್ನು ಈಗಾಗಲೇ ಘೋಷಿಸಿ ಪ್ರಶಸ್ತಿ ನೀಡುವ ತಯಾರಿ ನಡೆಯುತ್ತಿದೆ.

ಬೆಂಗಳೂರಿನ ನಮ್ಮ ಬಿರ್ತಿಮನೆಯ ಹತ್ತಿರದ ಕಾಫಿ ಬೋರ್ಡ್ ಪಾರ್ಕಿನಲ್ಲಿ, ಬ್ಯಾಟರಾಯನಪುರದ ಕನ್ನಡ  ಸಾಹಿತ್ಯ ಪರಿಷತ್ತಿನ ಘಟಕದಿಂದ ಧ್ವಜಾರೋಹಣ ಬೆಳಿಗ್ಗೆ 7.30 ಗಂಟೆಗೇ ಹಮ್ಮಿಕೊಂಡಿತ್ತು. ಸರಳ ಸಮಾರಂಭದಲ್ಲಿ ಒಂದೆರಡು ಭಾಷಣಗಳು, ಒಂದೆರಡು ಹಾಡುಗಳು ನಡೆದು ಪೂರ್ಣಗೊಂಡಿತ್ತು.

ನಾವೂ ಸಹಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಸಂಭ್ರಮಿಸಿದೆವು.

ಬರೆದಿರುವುದು ಸೋಮವಾರ, 2/11/2020