ಗೋವಿಂದ ಪ್ರಸಾದ್ - ಮನೆ ಭೇಟಿ

 ಸೋಮವಾರ, 26 ಅಕ್ಟೋಬರ 2020 

83/3 ಇಂದ್ರ ಸದನ ಅಪಾರ್ಟ್ ಮೆಂಟ್, ಮಹದೇವಪುರ, ಬೆಂಗಳೂರು.

ಮೈಸೂರು ಗೋವಿಂದ ಪ್ರಸಾದ್ ಅವರು ಸುಮಾರು 40 ವರ್ಷಗಳಿಂದಲೂ ಜಾಸ್ತಿ ಪರಿಚಿತರು, ಸಹೃದಯರು, ಹಿತ ಚಿಂತಕರು. ನೈಜೆರಿಯಾದ ಗೊಂಬೆ ಪೇಟೆಯಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಲು 1979 ನೇ ವರ್ಷ ಅವರು ಬಂದಾಗ ಅವರ ಪರಿಚಯ, ಒಡನಾಟ. ಅವರ ಮಗ ಬಚ್ಚು (ತ್ರಿವಿಕ್ರಮ ಪ್ರಸಾದ್) ಸಣ್ಣ ಹುಡುಗ. ಹೆಂಡತಿ ನಾಗಮಣಿ ಪ್ರಸಾದ. ಮೈಸುರಿನವರು, ಕನ್ನಡ ಮಾತನಾಡುವವರು, ಹಾಗಾಗಿ ಒಳ್ಳೆಯ ಸ್ನೇಹಿತರಾದರು.

1985 ರಲ್ಲಿ ಅವರು ನೈಜೇರಿಯಾ ಬಿಟ್ಟು ದುಬೈನಲ್ಲಿ ಕೆಲಸ ಮಾಡಲು ಬಂದು ಅವರ್ ಓನ್ ಶಾಲೆಯಲ್ಲಿ ಬಂದು ಸೇರಿದರು. ಅವರ ಶಿಫಾರಸ್ಸಿ ನಿಂದ 1986 ವರ್ಷ ನಾನೂ ದುಬೈ ಗೆ ಬಂದು ಅದೇ ಶಾಲೆಯಲ್ಲಿ ಕೆಲಸಕ್ಕೆ ಸೇರಿದ್ದೂ ಆಯಿತು. ಹೀಗೆ ಗೆಳೆತನ, ಆಗಾಗ್ಗೆ ಭೇಟಿ, ಒಟ್ಟಿಗೆ ಹೊರ ಸಂಚಾರ, ಕಾರ್ಯಕ್ರಮಗಳಲ್ಲಿ ಭಾಗವಹಿಸುವಿಕೆ ಯಿಂದಾಗಿ ಇನ್ನೂ ನಿಕಟ ಭಾಂಧವ್ಯ ಬೆಳೆಯಿತು.

ಅವರ ಹೆಂಡತಿ ನಾಗಮಣಿ ಯವರ ಅನಾರೋಗ್ಯದಿಂದ ಅವರು 2003 ರಲ್ಲಿ ವಾಪಸ್ಸು ಬೆಂಗಳೂರಿಗೆ ಬಂದು ನೆಲೆಸಿದರು.

6 ಜನವರಿ 2010 

ಕಳೆದ ಕೆಲ ವರ್ಷಗಳಿಂದ ಅವರು ಮೈಸೂರಿನಲ್ಲಿ ನೆಲೆಸಿದ್ದು 2019 ಸಪ್ಟಂಬರದಲ್ಲಿ ಅವರ ಹೆಂಡತಿಯ ದೇಹಾಂತವಾಯಿತು.

ಈ ವರ್ಷ ಅವರು ವಾಪಸ್ಸು ಬೆಂಗಳೂರಿಗೆ ಬಂದಿದ್ದು ಅವರ ಭೇಟಿಗೆ ಮೊನ್ನೆ ಅವರ ಮನೆಗೆ ಹೋಗಿದ್ದೆವು.

82 ವರ್ಷದ ಪ್ರಸಾದರಿಗೆ ದೈಹಿಕ ಆರೋಗ್ಯ ಚೆನ್ನಾಗಿದ್ದು ಮಾನಸಿಕವಾಗಿ ಹುಮ್ಮಸ್ಸಿನಿಂದ, ಜೀವನೋತ್ಸಾಹದಿಂದ, ಉಲ್ಲಾಸ ಭರಿತರಾಗಿ ಜೀವನವನ್ನು ಕಳೆಯುತ್ತಿರುವರು. ಅವರ ಮಗ ತ್ರಿವಿಕ್ರಮ ಹತ್ತಿರದ ಇನ್ನೊಂದು ಫ್ಲಾಟ್ ನಲ್ಲಿ ತನ್ನ ಕುಟುಂಬ ದೊಡನೆ ಜೀವನ ಸಾಗಿಸುತ್ತಿರುವನು.

ಅವರ ಪರಂಪರೆಯಿಂದ ಮಾಡಿಕೊಂಡು ಬಂದ ನವರಾತ್ರಿಯ ಬೊಂಬೆಯ ಪ್ರದರ್ಶನ, ಅವರ ನಿಷ್ಠೆ, ಬದ್ದತೆ, ಉತ್ಸಾಹ ವನ್ನು ತೋರಿಸುತ್ತದೆ. 

ಭಗವಂತನು ಅವರಿಗೆ ಆರೋಗ್ಯ, ನೆಮ್ಮದಿಯನ್ನು ಕರುಣಿಸಲಿ ಎಂದು ಪ್ರಾರ್ಥನೆ.

ಬರೆದಿರುವುದು ಗುರುವಾರ, 29 ಅಕ್ಟೋಬರ 2020