ಕುದುರೆ ಬಂತು ಕುದುರೆ - ಕನ್ನಡ ನಾಟಕ

 ದಿನಾಂಕ 23 ಮಾರ್ಚ್ 2021, ಬುದವಾರ 

ರವೀಂದ್ರ ಕಲಾಕ್ಷೇತ್ರ, ಬೆಂಗಳೂರು.

ಈ ಹಿಂದೆ "ಕೋಶಿಕಾ" ತಂಡದವರಿಂದ ನಡೆದ "ಕುದುರೆ ಬಂತು ಕುದುರೆ" ನಾಟಕವು  "ಅನೇಕಾ" ನಾಟಕೋತ್ಸವದ ಭಾಗವಾಗಿ ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ಪ್ರದರ್ಶನವನ್ನು ಕಂಡಿತು.

ಪ್ರತಿಯೊಬ್ಬರ ಬದುಕಿನಲ್ಲಿ ಕನಸಿನ ಬೆನ್ನೆತ್ತಿ ಸಾಗುವ ಜೀವನವನ್ನು ರಂಗದ ಮೇಲೆ ಅರ್ಥಪೂರ್ಣವಾಗಿ ಪ್ರದರ್ಶಿಸಲಾಗಿದೆ. ಗಣೇಶ ಭವನ ಹೋಟೆಲಿನ ಮಾಲಕಿ ಶಾಂತಿ, ಅವಳ ಗಂಡನ ಬರುವಿಕೆಯ ಕನಸು, ಅಂಚೆ ಪೇದೆಯ ಬೆಂಗಳೂರಿನಲ್ಲಿ ವಿಧಾನ ಸೌಧದಲ್ಲಿ ಕೆಲಸ ಸಿಕ್ಕುವ ಕನಸು, ಸಿನೆಮಾದಲ್ಲಿ ಹೀರೋ ಆಗುವ ಕನಸು ಕಂಡು ನಿರಾಶನಾಗುವುದು, ಶಾಂತಿಯ ಮಗನ ಅಪ್ಪ ಬರುವ ಕನಸು, ಎಲ್ಲವೂ ನಾಟಕದಲ್ಲಿ ಭಾವತ್ಮಕವಾಗಿ ಪ್ರದರ್ಶಿಸಲಾಗಿದೆ.

ಅಭಿಲಾಷ, ಪ್ರಧಾನ ಪಾತ್ರ ಶಾಂತಿಯ ಪಾತ್ರದಲ್ಲಿ ಕಾಣಿಸಿಕೊಂಡು ಭಾವಪೂರ್ಣವಾಗಿ ಅಭಿನಯಿಸಿದ್ದಾರೆ.

ಪುಟ್ಟ ಮಗನ ನಟನೆಯೂ ಚೆನ್ನಾಗಿದ್ದು, ಕಥೆಯ, ನಾಟಕದ ಓಟವನ್ನು ಸೆರೆ ಹಿಡಿಯುತ್ತದೆ.

ಕೋಶಿಕಾ ತಂಡದವರಿಗೆ ಹಾರ್ದಿಕ ಅಭಿನಂದನೆಗಳು.

ಬರೆದಿರುವುದು 25 ಮಾರ್ಚ್