Saturday, December 27, 2025
Birthi, Salekeri, Brahmavara
Paying tribute to Late Srikanth Somayaji, Sangeetha Malike Program took place after a lapse of two years.
Srimathi Sinchana Murthy, with her melodious voice, sang number of songs, some composed by Srikanth Somayaji
ಈ ಸಖಿ.. ಶ್ಯಾಮ ಬುಲಾರೆ..
ಚರಣ ಕಮಲದಲ್ಲಿ ಬಯಸಿ..
ಹಾಲುಕ್ಕಿತೋ ರಂಗಾ......
ತೊರೆದು ಜೀವಿಸಬಹುದೇ.....
ಬೇಸರವಾಗಿದೆ ಮಾತು.. ಭಾರವಾಗಿದೆ ಮೌನ....
ಸತ್ಯವಂತರ ಸಂಗವಿರಲು .. ತೀರ್ಥವೇತಕೆ...
"ಹಾಲುಕ್ಕಿತೋ ರಂಗಾ", "ತೊರೆದು ಜೀವಿಸಬಹುದೇ ಹರಿ ನಿನ್ನ ಚರಣಗಳ .." ಹಾಡುಗಳನ್ನು ಅತ್ಯಂತ ಮದುರವಾಗಿ ಹಾಡಿದರು.
ಸುಮಾರು ಎರಡು ಗಂಟೆಗಳ ಕಾಲ ಹಾಡಿನ ಸವಿಯನ್ನು ಉಣಬಡಿಸಿ, ಕಲಾವಿದರನ್ನು ಫಲ ಶಾಲುಗಳೊಡನೆ ಸನ್ಮಾನಿಸಲಾಯಿತು.
ಸಂಜೆಯ ಉಪಹಾರದ ನಂತರ, ಕಾರ್ಯಕ್ರಮದ ಎರಡನೇ ಭಾಗ "ಹಕ್ಕಿ ಮತ್ತು ಅವಳು" ನಾಟಕದ ಪ್ರದರ್ಶನವು ನಡೆಯಿತು.
You can see that in the next blog.
Abhilasha S in her Facebook post: 3/1/2026
ಡಿಸೆಂಬರ್ 27, 2025 ರ ಸಂಜೆ, ನಮ್ಮ ಮನೆಯಂಗಣ ಸಂಗೀತ, ಸಾಹಿತ್ಯ, ನಾಟಕದ ಗುಂಗಿನಲ್ಲಿ ಅದ್ದಿ ಹೋಗಿತ್ತು. ಬೆಂಗಳೂರಿನ ಶ್ರೀ ಅಕಾಡಮಿಯ ಸಿಂಚನಾ ಮೂರ್ತಿ, ನಮ್ಮ ಆ ದಿನದ ಗಾಯಕಿ, ಅತ್ಯಂತ ಭಾವಪೂರ್ಣ ಪ್ರಸ್ತುತಿ ನೀಡಿದ್ದು ಮಾತ್ರವಲ್ಲದೇ ತಾವು ಹಾಡಿದ ಗೀತೆಗಳ ಅರ್ಥ ವಿಸ್ತಾರದ ಬಗೆಗೂ ಮಾತಾಡುತ್ತಾ ಎರಡು ಗಂಟೆಗಳ ಕಾಲ ಶ್ರೋತ್ರಗಳನ್ನು ಸೆಳೆದಿಟ್ಟುಕೊಂಡಿದ್ದರು. ಅವರ ತಂದೆ ಶಿವಮೊಗ್ಗ ನರಸಿಂಹ ಮೂರ್ತಿಯವರಿಗೂ ಶ್ರೀಕಾಂತ ಸೋಮಯಾಜಿಗೂ ಇದ್ದ ಆತ್ಮೀಯ ಬಾಂಧವ್ಯದ ನೆಲೆಯಲ್ಲಿ ಅನೇಕ ನೆನಪುಗಳನ್ನೂ ಹಂಚಿಕೊಂಡರು. ಶ್ರೀಕಾಂತರ ಸಂಗೀತ ಸಂಯೋಜನೆಯ ಕೆಲವು ಹಾಡುಗಳನ್ನು ಹಾಡಿ, ನಿಜಾರ್ಥದಲ್ಲಿ ಶ್ರೀಕಾಂತರ ಸಂಸ್ಮರಣೆಯನ್ನು ಮಾಡಿಕೊಟ್ಟರು. ಶ್ರೀಕಾಂತರಿಗಿದ್ದ, ಕಲೆ ಮತ್ತು ಕಲಾವಿದರ ಬಗೆಗಿನ ಪ್ರೀತಿ, ಸಂಗೀತದ ಕಸರತ್ತುಗಳಿಲ್ಲದೇ ಭಾವಕ್ಕೇ ಆದ್ಯತೆ ಕೊಟ್ಟು ಅವರು ಹಾಡುತ್ತಿದ್ದ ಶೈಲಿ ಹಾಗೆಯೇ ತನ್ನ ಸಂಯೋಜನೆಯ ಹಾಡುಗಳನ್ನು ಅವರು ಆಯ್ಕೆ ಮಾಡಿಕೊಳ್ಳುತ್ತಿದ್ದ ರೀತಿ - ಇವೆಲ್ಲದರ ವೈಶಿಷ್ಟ್ಯಗಳನ್ನು ತುಂಬು ಪ್ರೀತಿಯಿಂದ ಹಂಚಿಕೊಂಡು ಒಂದು ಆಪ್ತ ವಾತಾವರಣವನ್ನೇ ಸೃಷ್ಡಿ ಮಾಡಿದರು. ಸಾವಿರಾರು ವಿದ್ಯಾರ್ಥಿಗಳನ್ನು ಹೊಂದಿರುವ ಸಿಂಚನಾ ಯಾವುದೇ ಹಮ್ಮು, ಬಿಮ್ಮು ಇಲ್ಲದೇ ನಿಗರ್ವಿಯಾಗಿರುವುದು ಅವರ ವ್ಯಕ್ತಿತ್ವದ ಬಗೆಗೆ ಇನ್ನಷ್ಟು ಗೌರವ ಮೂಡಿಸುತ್ತದೆ.
ಅವರ ಕಛೇರಿಗೆ ಹಾರ್ಮೋನಿಯಮ್ ನಲ್ಲಿ ಸಹಕರಿಸಿದ್ದು ಮಣಿಪಾಲದ ಹಿರಿಯ ಕಲಾವಿದರಾದ ಶ್ರೀ ಶಂಕರ್ ಶೆಣೈ. ಇವರ ಅಸಾಧಾರಣ ಪ್ರತಿಭೆ ಕಛೇರಿಯನ್ನು ಇನ್ನಷ್ಟು ಎತ್ತರಕ್ಕೇರಿಸಿತ್ತು. ಪ್ರದೀಪ ಉಡುಪಿಯವರ ತಬಲಾ ವಾದನವೂ ಕಳೆ ನೀಡಿತು. ಒಟ್ಟಿನಲ್ಲಿ ಒಂದು ಸಾರ್ಥಕ ಸಂಜೆಯನ್ನು ನಿರ್ಮಾಣ ಮಾಡಿದ Sinchana Murthy ಮತ್ತು ತಂಡದವರಿಗೆ ನಾವು ಸೋಮಯಾಜಿ ಕುಟುಂಬ ಆಭಾರಿಯಾಗಿದ್ದೇವೆ.
Posted 30/12/2025
No comments:
Post a Comment